Covid-19 bën namin në funeralin e peshkopit Amfilohije, infektohet edhe figura kryesore e Kishës Ortodokse Serbe

Koronavirusi i ri ka bërë kërdinë në funeralin e peshkopit malazez Amfilohije. Sipas BBC, peshkopi ndërroi jetë nga koronavirusi, edhe pse ishte skeptik ndaj Covid-19.

Megjithatë, funerali i tij u kthye në një vatër të koronavirusit.

Mes të infektuarve pas funeralit është edhe figura kryesore e Kishës Ortodokse Serbe, patriarku Irinej. 90-vjeçari është shtruar në spital të mërkurën. Ai udhëhoqi funeralin e 82-vjeçarit Amfilohije.

Të pranishmit në varrim ishin pa maska dhe shumë prej tyre puthnin trupin e peshkopit, të vendosur në një arkivol të hapur.

Sipas BBC, përveç patriarkut Irinej, të infektuar janë edhe shumë njerëz të tjerë që morën pjesë në funeral. Mes tyre dhe pasuesi i Amfilohije.

Ky i fundit njihej për qëndrimet e tij radikale kundër shqiptarëve.