COVID-19 në Britani, shënohet bilanci më i ulët prej dy muajsh, 229 viktima në 24 orë

Dy ditët e fundit kanë shënuar një rënie të ndjeshme të bilancit të shkaktuar nga pandemia e COVID-19 në Britani.

Gjatë 24 orëve të fundit janë raportuar 229 viktima të tjera duke e çuar numrin total në 28,675.

Ky është dhe bilanci më i ulët i shënuar që prej muajit mars.

Këto janë shifra të mbledhura nga spitalet dhe qendrat shëndetësore të Anglisë, Skocisë, Uellsit dhe Irlandës së Veriut.

Në Angli u shënuan 204 viktima, Skocia me 5 ndërsa Irlanda me Uellsin në total 20 viktima.

Numri i të infektuarve në Britani ka kaluar mbi 186 mijë persona ndër të cilët aktivë janë 157,809.

Në gjendje të rëndë shëndetësore gjenden 1,559 persona.