Covid-19 në Europë, mbi 700 mijë raste në një javë

Covid-19 vijon të sfidojë rëndë durimin e Europës. Sipas OBSH një numër rekord prej mbi 700 mijë rastesh u shënuan gjatë javës së fundit në kontinentin e vjetër, shumica e të cilave në Britaninë e Madhe, Francë, Rusi e Spanjë.

Gjermania regjistroi më shumë se 5 mijë raste ditore, shifra më e lartë kjo që prej prillit. Ministri i Shëndetësisë në Çeki doli në një fjalim televiziv mbrëmjen e së martës, për të thënë se javët në vazhdim do të jenë të ndërlikuara dhe të zymta, ndërsa izolimi i pjesshëm hyri në fuqi.

Holanda rikthen masat strikte të kufizimit, me kryeministrin Mark Rutte që njoftoi mbylljen e bareve dhe restoranteve për të paktën për 4 javë ndërsa përpiqet të kontrollojë për hapjen e pandemisë në atë që është kthyer një pikë e nxehtë në Europë.

Presidenti francez pritet të shpallë masën e ndalim qarkullimit nga ora 20:00 e mbrëmjes, për qytetet me nivel të lartë të infektimit përfshirë Parisin, ndërsa paralajmërohet se brenda pak javësh do te ezaurohen 90 për qind e shtretërve në terapitë intensive. Në Britaninë e Madhe shifrat janë alarmante, me mbi 17 mijë raste dhe 143 viktima të shënuara në një ditë të vetme.