Covid-19 në Spanjë, ministri i Shëndetësisë: Piku nuk ka kaluar ende

Spanja është një nga vendet që po përballet keq me luftë kundër koronavirusit. Shteti iberik deri më tani numëron mbi 16 mijë vdekje dhe afro 160 mijë të infektuar.

Numri i vdekjeve ditore, për dy ditë me radhë ka ardhur në rënie, por numri i të infekturëve ende nuk po shënon shifra të ulta.

Lidhur me këtë Ministri i Shëndetësisë në Spanjë deklaroi se akoma nuk është kaluar piku. Salvador Illa tha se pavarësisht masave efektive, kulmi mendohet se nuk ka kaluar, por po mendohet edhe lehtësimi i masave.

Ai u shpreh:

Spanja ende nuk ka arritur kulmin e epidemisë së koronavirusit, megjithëse masat e marra kanë filluar të japin rezultate dhe qeveria po mendon për masa për të lehtësuar izolimin.

Kujtojmë se Spanja disa ditë më parë shty me 14 ditë gjendjen e emergjencës. Zonat më të prekura nga koronavirusi janë Madridi dhe Katalonja.