Covid-19 nuk ikën lehtë, ekspertët: Vala e dytë erdhi më shpejt sesa pritej

U bënë më shumë se 7 muaj që kur OBSH e shpalli Covid-19 pandemi globale. Covid-19 ka shpërthyer në botë që prej fillimit të këtij viti, por mesa duket shumë shtete po përballen edhe me valën e dytë.

Autoritetet në Francë thonë se vala e dytë e virusit vdekjeprurës mbërriti më shpejt se sa pritej. Gjatë 24 orëve të fundit janë regjistruar 14.412 raste në Francë, duke e çuar numrin e përgjithshëm të infektimeve që prej fillimit të pandemisë në 527,446.

Kina raportoi 14 raste të reja të shtunën, të gjitha të importuara nga udhëtarët. Alarmi u dha edhe në Meksikë, ku u regjistruan 5,573 raste të reja dhe 399 viktima. India raportoi 88,600 raste të reja.