COVID-19/ Publikohen të dhënat e vaksinës Pfizer

Janë publikuat të dhënat e vaksinës Pfizer e cila do të përdoret kundër CVOID-19. Këto të dhëna janë publikuar nga New England Journal of Medicine (NEJM).

Vaksina Pfizer: Të dhënat e shumëpritura shkencore vijnë për të mbështetur atë që ishte parashikuar nga njoftimet dhe nga fushata e vaksinimit në Mbretërinë e Bashkuar. Ata që ishin në provën e fazës 3 të vaksinës BNT162b2 mRNA të prodhuar nga Pfizer-BioNTech dolën, më 10 dhjetor, në revistën autoritare New England Journal of Medicine (NEJM), në të njëjtën kohë kur Administrata Amerikane e Ushqimit dhe Barnave po diskutonte mbi autorizimin emergjent të vaksinës.

Efikasitet i konfirmuar: Eksperimenti përfshiu 43 448 njerëz, 21 720 prej të cilëve morën vaksinën e Pfizer dhe 21 728 një placebo. Të dhënat konfirmojnë efikasitetin e 95% pas dy dozave të administruara 21 ditë larg, madje edhe për njerëzit që konsiderohen më të rrezikuar nga format e rënda të covid-it, njerëzit mbipeshë dhe me sëmundje të mëparshme ishin të përfaqësuar mirë. Mbi 40% e vullnetarëve ishin më shumë se 55 vjeç. Pas 170 infeksioneve të para nga të gjithë pjesëmarrësit, u vu re se vetëm 8 ishin në grupin e të vaksinuarve, ku vetëm njëra prej tyre ishte serioze. Efektet e padëshiruara, të raportuara ishin të lehta si; dhimbje në vendin e injeksionit, ënjtje dhe në raste të rralla ethe, lodhje dhe fryrje e nyjeve limfatike. Pra, nuk ishin të ndryshme nga ato që lidhen me vaksinat e tjera virale dhe nuk paraqesin shqetësim.

Një triumf: Megjithëse mbeten për t’u sqaruar pika të rëndësishme, siç janë incidenca e rasteve asimptomatike të covid-it midis njerëzve të vaksinuar, kohëzgjatja e mbrojtjes së ofruar dhe mundësia e administrimit të vaksinës në mënyrë të sigurt edhe te fëmijët, pacientët e dëmtuar nga imuniteti dhe gratë shtatzëna, pak të përfaqësuar në këtë eksperiment, editoriali që shoqëron botimin i përcakton rezultatet e arritura si “një triumf”.

Eric Rubin, një imunolog në Harvard T.H dhe bashkautor i editorialit shkruan: “Për shumicën e vaksinave janë dashur dekada për t’u zhvilluar: kjo ndoshta do të shkojë nga ideja fillestare në implementim brenda një viti. E gjithë kjo, formon një model për shumë vaksina të tjera Covid-19 aktualisht në zhvillim, disa prej të cilave kanë përfunduar provat e fazës 3. Ajo që duket të jetë një sukses i pabesueshëm për vaksinat premton të shpëtojë jetë të panumërta dhe t’u japë të gjithëve një rrugëdalje në atë që ka qenë një katastrofë globale”.