Covidi në Itali që prej shtatorit 2019, e thotë një studim i Institutit të tumoreve në Milano

Virusi SarsCov2 qarkullonte në Itali që prej shtatorit 2019, pra shumë më parë se sa mendohet deri tani.

Konfirmimi vjen nga një studim i Institutit të tumoreve në Milano dhe Universiteti i Sienës, që ka si firmëtar të parë edhe drejtorin shkencor Giovanni Apolone, e publikuar edhe në revistën Tumori Journal.

Duke analizuar kampionet e 959 personave, të gjitha asimptomatik, që kishin marrë pjesë në screening për tumoret në mushkëri nga shtatori 2019 dhe mars 2020, u zbulua që 11,6% (111 nga 959) e këtyre personave kishin antitrupat e coronavirusit, prej të cilëve 14% që në shtator, 30% në javën e dytë të shkurtit 2020 dhe pjesa më e madhe e numrave (53,2%) në Lombardi.