‘Daily Mirror’: Forcat speciale britanike mision për të vrarë djalin e Osama bin Laden në Siri

Daily Mirror raporton se forcat speciale britanike ka ndërmarrë një mision për të vrarë djalin e Bin Laden i cili fshihet në Siri dhe synon të ribashkojë Al-Qaedan.

Sipas informacioneve ai po mbledh militantë nga radhët e Shtetit Islamik.

Forcat speciale britanike po kërkojnë djalin 28 vjeçar të Osama Bin Laden, Hamza.

Sipas disa analistëve ai po përgatitet të marrë nën drejtim Al-Qaeda, duke përfituar nga humbjet e xhihadistëve të shtetit islamik, për të mbledhur militantët nën flamurin e organizatës së krijuar nga babai i tij. Misioni parashikon kapjen ose vrasjen e 28 vjeçarit, i cili sipas hetuesve fshihet në Siri

Një njësi e operacioneve speciale të koalicionit të përbashkët, që përfshin 40 ushtarë të SAS, është vendosur në Siri me misionin për të gjetur Hamzain dhe bandën e tij.

Sipas raportimit të britanikes Daily Mirror, trashëgimtari i Osama Bin Laden konsiderohet mes 10 objektivave të profilit të lartë të shpallur në kërkim nga forcat e koalicionit, pjesë e operacionit britanik kundër ISIS të krijuar në 2014.

Sipas të dhënave të shërbimit amerikan të inteligjencës, Hamza ka lindur më 1989 në qytetin saudit të Gedas.