Deklarata ”bombë” nga John Bolton: SHBA mund të vrasë Putinin

Rreziku i përdorimit të armëve bërthamore nga Vladimir Putin, ka shqetësuar mbarë botën. ”Shtetet e Bashkuara mund të vrasin Vladimir Putin, nëse Rusia përdor armë bërthamore në konfliktin e saj me Ukrainën”,-thotë ish-këshilltari i Sigurisë Kombëtare, John Bolton.

Ish-ambasadori i SHBA-së në Kombet e Bashkuara, thekson se lideri rus duhet të kuptojë se ai duhet të mbajë përgjegjësi për veprimet.

“Nuk jam dakord që nuk mund ta kapim dhe mendoj se ai e di këtë. Ju mund të pyesni Qasem Soleimani në Iran se çfarë ndodh kur ne vendosim se dikush është një kërcënim për Shtetet e Bashkuara. Putini është një objektiv legjitim ushtarak, ai duhet të dijë se ai është në listën tonë të synimeve në këtë pikë”.