Dhunoi bashkëshorten, arrestohet daja biznesmen i Kate Middleton

Arrestohet daja i Dukeshës së Kembrixhit, Kate Middleton.

Mediat ndërkombëtare raportojnë se daja i Kate, Gary Goldsmith, akuzohet se ka ushtruar dhunë ndaj gruas së tij, Julie-Ann Goldsmith, 47 vjeç.

‘The sun’ shkruan se ajo u gjet e lënduar jashtë shtëpisë së saj në Londër.

Ishte një shofer taksie ai që pa skenën e dhunës, se si biznesmeni goditi në fytyrë me grushte gruan e tij, pasi kjo e fundit e kishte akuzuar se ai kishte përdorur kokainë.

Mësohet se 47-vjeçarja ka marrë lëndime në sy, ndërsa u transportua me ambulancë për në spital. Cabbie Daniel Shepherd, 28 vjeç, tha se ai ishte dëshmitar i dhunës që daja i Kate ushtroi ndaj bashkëshortes së tij, të cilët pasi ishin në një klub nate, nisën të ziheshin brenda në taksi.