Disa fëmijë të zhdukur, prindërit e tmerruar bëjnë thirrje në rrjetet sociale pas sulmit në Manchester

Familjarët e zënë nga paniku i kanë kthyer rrjetet sociale si një mjet për përpjekjet e dëshpëruara për të gjetur të afërmit e tyre  pas sulmit terrorist që vrau 22 vetë dhe plagosi 59 të tjerë në Manchester Arena.

Mijëra përdorues të rrjeteve sociale filluan të shkruajnë #ManchesterMissing shoqëruar me fotot e personave që ende nuk janë gjetur pas shpërthimit.

Rreth 22 persona kanë humbur jetën dhe më shumë se 50 të tjerë janë plagosur pas një sulmi terrorist në Manchester Arena. Shpërthimi ndodhi në orën 22:35 me orën lokale të së hënës pas koncertit të këngëtares amerikane Ariana Grande.

Kryeministrja Theresa May shprehu ngushëllimet për të gjithë të lënduarit për atë që po trajtohet si sulm terrorist nga policia. Shërbimet Emergjente thanë se rreth 59 persona janë dërguar në spitale me plagë pas shpërthimit.