Donald Trump i jep mundësi kriminelëve të vrasin lirshëm

Prej muajsh, presidenti i SHBA-së Donald Trump, ka deklaruar se do të dëbojë të gjitha familjet klandestine që ndodhen në Amerikë. Ky fakt i ka dhënë liri veprimi bandës së rrugëve, e quajtur MS-13, për keqtrajtimin e të rinjve që nuk ju binden urdhrave të tyre.

Këtë e vërteton dhe ngjarja në Long Island, ku prej disa ditësh një djalë është zhdukur, pas kërcënimeve të bandës.

I riu kishte emigruar nga El Salvador tre muaj më parë, për t’u bashkuar me nënën e tij, në Nassau County, Long Island. Banda e kishte ngacmuar atë në El Salvador sepse nuk pranoi t’i bashkohej. Herën e parë anëtarët e bandës MS-13, e sulmuan adoleshentin me një shkop bejsbolli, në një lagje periferike të  New Jork-ut. Herën e dytë, ata sulmuan 19-vjeçarin teksa po ikte rrugës për në punë, ata i prenë barkun, me një mjet që simbolizon edhe bandën MS-13, me hanxhar. Ai ka mbijetuar por është i fshehur prej disa javësh, ndërkohë nëna e tij është e tmerruar.

Mamaja e adoleshentin ka komentuar, për CNN: “ Djali im nuk është më i sigurt këtu. Ai (Donald Trump) i ka bërë më të fuqishëm ata( MS-13). Kjo sepse ata e dinë që nëse na sulmojnë ne nuk do i kallëzojmë në polici, për shkak të frikës se mos na dëbojnë. Ne erdhëm këtu (SHBA) për një jetë më të mirë, po jemi duke përjetuar terror.”

Gruaja, e cila është pa dokumente kërkoi që në media të quhej “Margarita”, për sigurinë e saj, jo vetëm nga shteti.

Banda e dhunshme e njohur si Mara Salvatrucha, ose MS-13, është zhvilluar dekada më parë midis emigrantëve Salvadorian, në Los Anxhelos dhe që atëherë ka ndërtuar një rrjet kriminal që shtrihet në të gjithë SHBA-në. Banda kryesisht synon emigrantët e Amerikës Qendrore, ata të cilët ikin drejt SHBA-së duke kërkuar strehim dhe siguri nga dhuna e bandës në shtëpinë e tyre në El Salvador, Guatemala dhe Honduras. Besohet se deri më tani grupi ka rreth 10,000 anëtarë, por synimi i tyre është të zgjerohen çdo ditë e më shumë.

Disa njerëz, pjestarë të MS-13 kanë pohur atë çfarë mamaja e adoleshentit ka thënë.

Por një zyrtar i lartë i administratës Trump e ka kundërshtuar atë mendim.

Ai tha: “Realiteti është se ne po largojmë MS-13 dhe anëtarët të tjerë të bandave kriminale që jetojnë në SHBA. Ne jemi në kërkim të kriminelëve dhe e dimë vendndodhjen e tyre. Ata janë shpërndarë nëpër vende të shenjta të SHBA-së. Nuk jemi duke qëndruar duarkryq, por nuk mund të dërgojmë trupat tona duke vendosur jetën e tyre në rrezik. Kapja e kriminelëve është një projekt shumë i rrezikshëm dhe kërkon shpenzime të mëdha.”

Niveli i dhunës dhe aktivitetit, të MS-13 është rritur ndjeshëm në dy vitet e fundit, sipas FBI-së, pavarësisht arrestimeve të shumta. Në muajt e fundit autoritetet kanë deklaruar se numri i të vrarëve është rritur. Numërohen rreth 20 vrasje.

Shtatorin e kaluar, dy vajza adoleshente nga Brentwood u rrahën në vdekje, në qarqet Nassau dhe Suffolk, një nga epiqendrat e MS-13.

Në prill, trupat e katër të rinjve, të moshave 16 deri në 20 vjeç, u gjetën të vdekur në një park të Central Islip. Vrasja e të cilëve ishte filmuar dhe dërguar të dashurës të njërit prej viktimave.

Prokurori i përgjithshëm, Jeff Sessions, vizitoi Central Islip dhe u zotua publikisht për të luftuar MS-13.

 “Ne po ju targetojmë, ne po vijmë pas jush,” tha Jeff Sessiones.

Donald Trump ka deklaruar se prej muajsh është në përndjekjen e tyre. Ai tha se rreth 6000 vetë ishin larguar, por në të vërtetë shifrat e shërbimit të ICE, kanë deklaruar se vetëm 2,798 janë larguar.

Nuk dihet ende cila do të jetë zgjidhja që të kapen kriminelët duke mos u dëmtuar emigrantët./opinion