Dyfishohet numri i të prekurve nga koronavirusi në Britani, shtohen katër raste të reja

Katër raste të reja e kanë dyfishuar numrin e të prekurve me koronavirus në Britani. Numri me koronavirus në Britani ka shkuar në tetë dhe ata sipas Departamentit Britanik të Shëndetit kanë qenë në kontakt me katër të parët që rezultuan me koronavirus në ishull.

Më pas sipas autoriteteve britanike virusi është transmetuar në Francë nëpërmjet kontakteve njerëzore.

Ndërkohë në Europë Gjermania mban vendin e parë me të prekur nga koronavirusi, plot 14 të tillë. Në Francë ka 12, në Britani 8. Por në kontinentin europian nuk ka ende asnjë të vdekur nga ky virus i cili ndërkohë në gjithë botën ka marrë 910 jetë njerëzish kryesisht në Kinë.