E ndaloi e dashura italiane të fuste drogë në shtëpi, policia zbulon vendin e fshehtë të shqiptarit

Bota E Enjte, 27 Maj 2021 17:17

Një 27 vjeçar shqiptar u arrestua pasditen e djeshme në Dalmine të Italisë për trafik droge. Sipas hetimeve paraprake të të dhënave, shqiptari mbante të fshehur drogë në një fushë pranë banesës së tij në periferi të qytetit.

27-vjeçari kishte ndërruar vend pasi e dashura e tij ia kishte ndaluar të fuste drogë në vendin ku ata banonin.

Karabinierët me qenin e policisë arritën të gjenin rastësisht drogën e fshehur poshtë një thesi, dhe më pas kishin pritur për personin që e posedonte.

Në momentin e ndalimit shqiptari kishte 5 pako me kokainë me vete. Dhe 5 të tjera iu gjetën në vendin ku i mbante fshehur. 27-vjeçari u arrestua dhe tashmë ndodhet në dhomën e paraburgimit në pritje të dënimit, shkruan Bergamo Sera.