E rrallë/ Vranë punonjësin në det, Kim Jong Un bëhet ‘i gjallë’ dhe i kërkon falje Koresë së Jugut

Kim Jong Un ka kërkuar falje për vdekjen e një punëtori të qeverisë së Koresë së Jugut i cili u qëllua nga trupat e Koresë së Veriut pasi kaloi kufirin detar midis dy vendeve.

Në një letër dërguar Shtëpisë Blu të Koresë së Jugut, Koreja e Veriut tha se njësitë iu përgjigjën një thirrjeje se një mashkull i paidentifikuar u gjet duke notuar në det. Letra pretendon se burri u qëllua me rreth 10 fishekë pasi nuk iu përgjigj kërkesës së ushtarit për të identifikuar veten.

Koreja e Veriut thotë se njollat e gjakut mbetën në objektin lundrues pasi punonjësi u qëllua për vdekje. Pasi ushtarët supozuan se kishte ndërruar jetë, dogjën objektin lundrues në vend për masat e parandalimit të sëmundjes Covid-19 të Koresë së Veriut.

“Kryetari Kim Jong Un kërkoi të përcjellë se ndihet shumë keq që në vend që t’u japim ndihmë bashkatdhetarëve tanë në Jug që po luftojnë me epideminë e Covid, ne i kemi dhënë Presidentit Moon dhe bashkatdhetarëve tanë në Jug një zhgënjim të madh me këtë fatkeqësi të paparë në detin tonë”, thuhet në letër.

Deklarata shtoi se Koreja e Veriut ka forcuar mbikëqyrjen e saj detare dhe ka kërkuar falje për incidentin që do mund të ndikojë negativisht në marrëdhëniet ndër-koreane. Faljet nga Kim janë të rralla, veçanërisht kur bëhet fjalë për gabime të dukshme nga ushtria e vendit.