“E shtuna e grave”, mijëra femra protestuan kundër Lukashenkos. Bëhet lajm në botë

Në Bjellorusi më shumë rëndësi ka dorëheqja e Presidentit Lukashenko sesa situata e Covid-19, pasi prej disa kohësh protestat nuk po ndalen. Mijëra protestues u mblodhën të shtunën në qendër të kryeqytetit bjellorus, Minsk, për të protestuar kundër qeverisë së presidentit të kundërshtuar gjerësisht, Aleksander Lukashenko.

Në protestën e djeshme u vu re një prezencë kryesisht femërore. Polici u bllokoi rrugën për t’u ndërprerë itinerarin e tyre të zakonshëm, çka solli edhe përplasje mes turmës dhe forcave të rendit.

Sipas dëshmitarë për agjencinë e lajmeve ”Reuters”, qindra persona u shoqëruan nga policia. Me pankartat në duar kundër Lukashenkos mund të dalloje lehtësisht edhe sloganin “vetëm frikacaket rrahin femrat”. Pamjet po bëjnë xhiron e medieve nëpër botë.

Bjellorusia, një ish-republikë sovjetike e lidhur ngushtë me Rusinë, është tronditur nga protesta masive në rrugë që kur zoti Lukashenko pretendoi një fitore të madhe në zgjedhjet presidenciale të 9 gushtit, që kundërshtarët e tij thonë se ishin manipuluar. Diçka kjo, që presidenti mohon me forcë.