Ekonomia e Britanisë së Madhe rënie rekord për shkak të pandemisë gjatë vitit 2020. Ja sektorët që u ngadalësuan më së tepërmi

Ekonomia e Mbretërisë së Bashkuar u tkurr me një rekord 9.9% vitin e kaluar, ndërsa kufizimet e koronavirusit goditën prodhimin, thotë Zyra për Statistikat Kombëtare (ONS).

Tkurrja në vitin 2020 “ishte dy herë më shumë sesa rënia e mëparshme më e madhe vjetore e regjistruar”, tha zëvendës statisticienti kombëtar i ONS Jonathan Athou.

Në dhjetor, ekonomia u rrit me 1.2%, pasi u tkurr me 2.3% në nëntor, ndërsa disa kufizime u lehtësuan. Shitjet e makinave dhe parukierët gjetën një terren aspak të mirë, raporton BBC.

Rritja e muajit të kaluar do të thotë që ekonomia në Mbretërinë e Bashkuar duket se do të shmangë atë që mund të ketë qenë recesioni i saj i parë me dy ulje që nga vitet 1970.

Një zhytje e dyfishtë nënkupton dy recesione brenda një periudhe të shkurtër kohe, me një recesion të përcaktuar përgjithësisht si dy tremujorë radhazi, ku ekonomia tkurret. Në tremujorin tetor-dhjetor, ekonomia u rrit me 1%.

PBB-ja u mat për herë të parë pas Luftës së Dytë Botërore dhe masa kurrë më parë nuk ka rënë me më shumë se 4.1% në një vit. Kancelari Rishi Sunak tha: “Shifrat e sotme tregojnë se ekonomia ka përjetuar një tronditje serioze si rezultat i pandemisë, e cila është ndjerë nga vendet e mbarë botës”