Ekspertët i tremben tërmetit të radhës në Stamboll: Të surprizuar nëse…

Për më shumë se pesë javë, Turqia po përballet me pasojat e tërmetit shkatërrues me magnitutë 7.8 që goditi juglindjen e vendit. Presioni tashmë po rritet te autoritetet e vendit që duhet të mendojnë për pasojat që lëkundje të tilla mund të kishin në qytete më të populluara të vendit.

“Perspektiva për Stambollin nuk është e ndritshme. Nuk është aspak e ndritshme”,-thotë profesori Celal Sengor, një nga gjeo-shkencëtarët më të mirë të Turqisë. “Nëse një tërmet tjetër i këtyre përmasave nuk ndodh në Stamboll në 20 vitet e ardhshme, do të ishim të gjithë shumë të surprizuar”,-tha për CNN profesori i Universitetit Teknik të Stambollit.

Turqia është një nga rajonet sizmikisht më aktive në botë. Është një realitet gjeologjik që ka rritur shqetësimin për gatishmërinë e Stambollit ndaj tërmeteve.

Ekspertët vlerësojnë se një tjetër tërmet i fuqishëm me magnitutë prej 7.2 dhe 7.8 ballë mund të rezultojë shkatërrues për qendrën tregtare dhe industriale të Turqisë. Pasi më shumë se 48,000 njerëz u vranë në Turqi nga tërmeti i muajit të kaluar, Stambolli po nxiton që të forcojë mbrojtjen kundër një fatkeqësie natyrore që ekspertët thonë se mund të godasë në çdo moment.