Erdogan bisedë telefonike me Putin, theksohet bashkëpunimi në luftën ndaj Covid-19

Presidenti i Turqisë, Recep Tayyip Erdoğan, ka zhvilluar një bisedë telefonike me homologun rus, Vladimir Putin, shkruan Anadolu Agency.

Siç njoftoi Drejtoria e Komunikimeve e Presidencës së Turqisë, gjatë bisedës telefonike është diskutuar bashkëpunimi në luftën kundër koronavirusit të ri (COVID-19), marrëdhëniet dypalëshe dhe çështjet rajonale.

Sipas të dhënave të fundit në Turqi janë shënuar 277 viktima dhe 15,679 të infektuar nga Covid-19, ndërsa në Rusi 24 viktima dhe 2,777 të infektuar.

Të dyja vendet kanë dërguar ndihma për Italinë e cila është vendi më i prekur në botë nga koronavirusi me 13,155 viktima dhe 110,574 të infektuar.