Erdogan u bën thirrje turqve të bojkotojnë mallrat franceze

Presidenti turk Tayyip Erdogan të hënën u bëri thirrje qytetarëve turq që të mos blejnë kurrë mallra franceze.

Gjithashtu ai u kërkoi udhëheqësve të Bashkimit Europian të ndalnin axhendën e “anti-Islamit” të udhëheqësit francez Emmanuel Macron.

Erdogan tha të shtunën se Macron kishte një problem me myslimanët dhe kishte nevojë për kontrolle të shëndetit të tij mendor.

“Ashtu si ata thonë mos blini mallra me markën në Francë, unë po u bëj thirrje të gjithë qytetarëve të mi nga këtu të mos ndihmojnë kurrë markat franceze ose t’i blejnë ato,” – tha Erdogan.

Franca është burimi i 10-të më i madh i importeve në Turqi dhe tregu i shtatë më i madh për eksportet e Turqisë, sipas institutit statistikor të Turqisë. Ndër importet kryesore franceze, automjetet franceze janë ndër makinat më të shitura në Turqi.

Macron është zotuar të luftojë “separatizmin islamik”, duke thënë se po kërcënonte të merrte përsipër disa komunitete myslimane në Francë.

Vendi është tronditur që nga prerja e kokës së një mësuesi nga një militant islamik, duke u hakmarrë për përdorimin e karikaturave të Profetit Muhamed në një klasë për lirinë e shprehjes.