Është me kancer? Papa Françesku: Nuk kam në plan të dorëhiqem

Kohët e fundit shumë është folur për, për shëndetin e tij, por Papa Françesku i përgjigjet me humor shqetësimeve. Në një intervistë për agjencinë e lajmeve “Reuters”, Papa foli për problemet në gju dhe mohoi pretendimet se është me kancer, duke thënë me shaka se mjekët nuk i kishin thënë gjë për këtë.

“Nuk më kanë thënë asgjë. Nuk ma kanë thënë. Ata më shpjeguan mirë çdo gjë, por jo, nuk kam kancer. Është një thashethem oborri. Shpirti i oborrit është ende këtu në Vatikan nëse e mendon, Vatikani është oborri i fundit europian i një monarkie absolute”.

Papa qeshi edhe me zërat se kishte planifikuar të dorëhiqej në të ardhmen e afërt duke thënë se një mendimi tillë nuk i kishte kaluar kurrë nëpër mend. Nuk përjashtoi mundësinë që diçka e tillë të ndodhte një ditë nëse gjendja shëndetësore do t’ia pamundësonte punën.