Europa e gjunjëzuar nga Covid-19, OBSH: Një vdekje çdo 17 sekonda

Të gjitha shtetet në botë raportojnë shifra të larta dhe Europa numëron një vdekje çdo 17 sekonda nga Covid-19, me 29 000 viktima vetëm javën e kaluar, një rritje kjo prej 18%.

Organizata Botërore e Shëndetësisë (OBSH) ka dhënë shifrat e pandemisë për Kontinentin e Vjetër, duke theksuar se Europa është kthyer edhe një herë në epiqendrën e Covid-19, virusit që ka vrarë më shumë se 1 milion e 350 mijë persona në të gjithë botën.

Drejtori i OBSH-së për Europën, Hans Kluge tha se është e rëndësishme që të vijohet me respektimin e masave shtrënguese dhe ruajtjen e higjienës personale. ”Europa regjistroi javën e kaluar 29 000 viktima nga Covid-19, që do të thotë një viktimë çdo 17 sekonda”, tha Kluge.