Europa përballet me zjarre masive, situatë e rëndë në Greqi, Francë dhe Spanjë

Europa po përballet me zjarre masive. Zjarret përreth Athinës janë të pandalshëm. Një tjetër vatër e madhe është hapur 50 kilometra në veriperëndim të kryeqytetit grek pranë fshatit Vilia.

Autoritetet evakuuan qindra banorë të 5 fshatrave të zonës përreth, pasi flakët që po shkrumbojnë pishat janë shumë pranë banesave. Për vënien e tyre nën kontroll janë angazhuar mbi 400 zjarrfikës, mes të cilëve ka edhe nga vende të ndryshime europiane.

Edhe në zonën e Varit në jug të Francës, aty ku qindra zjarrfikës janë angazhuar për të vënë vatrat nën kontroll. Flakët ndihmohen nga erërat e fuqishme, teksa për dy ditë është 2 fishuar në mbi 7 mijë hektarë sipërfaqja e djegur. Zjarret masive vazhdojnë edhe në rajonet qendrore të Spanjës.