Europianët besojnë më shumë teoritë e konspiracionit për vaksinat dhe Covid-19

Një pjesë e madhe e europianëve ndihen shumë të lodhur, më pesimistë, më kritikë ndaj mënyrës sesi qeveria e tyre po trajton krizën e prodhuar nga pandemia e Covid-19. Në një sondazh të fundit thuhet se ajo që mbetet shqetësuese është fakti se një pjesë e madhe e tyre po besojnë gjithnjë e më shumë teoritë e konspiracionit.

Sondazhi i gati 8,000 njerëzve në të gjithë Francën, Gjermaninë, Italinë dhe Britaninë i realizuar nga qendra Franceze Cevipof e kërkimit politik tregoi nivele të përhapura të besimit në teoritë e konspiracionit të lidhura me vaksinat në të katër vendet e anketuara, me mosbesimin më të lartë në Francë.

Më shumë se 36% e të anketuarve francezë, 32% në Itali dhe Gjermani dhe 31% në Britani ranë dakord që ministritë e Shëndetësisë po punonin me kompani farmaceutike për të mbuluar rreziqet e vaksinave, ndërsa 42% në Francë, 41% në Britani, 40% në Itali dhe 39% në Gjermani menduan se qeveritë po shfrytëzonin krizën për të “kontrolluar dhe monitoruar qytetarët.

Sondazhi konfirmoi një kontrast në nivelet e besimit shoqëror dhe politik midis Evropës Jugore dhe Veriore. Përvojat e katër vendeve për pandeminë nuk janë të njëjta: Italia, e goditur rëndë pranverën e kaluar, po fillon me kujdes për t’u rihapur; Gjermania dhe Britania e Madhe, të dyja me valët e dyta më vdekjeprurëse se e para, po rihapen gradualisht por jo në total ndërsa Franca shpreson të shmangë një bllokim të tretë.

Në mënyrë të ngjashme, përqindja e njerëzve që thoshin më mirë fjalën “e zymtë” ishte në Francë me 34% dhe qëndroi në 24% në Itali. Kjo fjalë gjithashtu u rrit në Gjermani, duke u dyfishuar në 14%, dhe në MB deri në 16%.