Fauci: 3 doza të vaksinës kundër Covid janë mbrojtja më e mirë

Tri doza të vaksinës Covid-19 janë “mbrojtja më e lartë e më e mirë”, por dy doza të vaksinës Pfizer/BioNTech ose Moderna ose një dozë e vaksinës Johnson & Johnson mbeten ende përkufizimi zyrtar i vaksinimit të plotë për qeverinë amerikane, tha sot specialisti kryesor amerikan i sëmundjeve infektive, Anthony Fauci.

“Kërkesa zyrtare është ende dy doza të vaksinave mRNA (Pfizer/BioNTech ose Moderna) ose një dozë J&J, sipas përcaktimit zyrtar të asaj që kërkohet. Por unë mendoj se nëse shikon të dhënat, bëhet gjithnjë e më e qartë se nëse dëshiron të mbrohesh në mënyrë optimale, duhet të marrësh dozën e tretë perforcuese,” tha Fauci për emisionin “This Week With George Stephanopoulos”.