FBI: Asnjë lidhje mes sulmit terrorist në New Orleans dhe shpërthimit të ‘Tesla’-s para hotelit të Trump

Sulmi terrorist në New Orleans dhe shpërthimi i Tesla’-s para hotelit të Trump nuk kanë asnjë lidhje me njëra tjetrën. Kështu tha sot gjatë një deklarate për shtyp Chris Raia, zëvendës ndihmësdrejtori i divizionit të antiterrorizmit të FBI-së.

“Në këtë pikë, nuk ka asnjë lidhje përfundimtare midis sulmit këtu në New Orleans dhe atij në Las Vegas.

Jemi në faza shumë të hershme të hetimit, por megjithatë po ndjekim të gjitha drejtimet e mundshme dhe nuk përjashtojmë asgjë”, tha Chris Raia.