Fjalimi në Parlament, Mbretëresha vendos prioritetet për Qeverinë
Për Mbretërinë e Bashkuar ishte një ditë e veçantë. Mbretëresha Elizabeth II udhëtoi me pajtonin mbretëror nga Pallati “Buckingham” për në godinën e Parlamentit, ku mbajti dhe fjalimin e përvitshëm. Në javën vendimtare për Brexit, ku pritet të përcaktohet dhe shkëputja e Britanisë nga Bashkimi Europian me ose pa ujdi, 93-vjeçarja vendosi prioritetet për Qeverinë e drejtuar nga kryeministri, Boris Johnson.
Në fjalimin e shkruar nga Qeveria, Mbretëresha kërkoi arritjen enjë ujdie të re me Brukselin për Brexit dhe parapërgatitje për zgjedhje tëparakohshme të mundshme.
“Prioritet i Qeverisë sime ishte gjithmonë sigurimi i largimit të Mbretërisë së Bashkuar nga BE më 31 tetor. Qeveria ime synon të ndërtojë një mardhënie të re me Bashkimin Europian tëbazuar në tregti të lirë dhe bashkëpunim miqësor”, u shpreh Mbretëresha.
Fjalimi i Mbretëreshës pasohet ngadisa ditë debat në Dhomën e Komunëve dhe përfundon me një votë aprovimi. Por këtëherë ka të ngjarë të pasohet edhe me votëbesim kundër Kryeministrit Johnson.
