FOTO/Shkatërrohet rrjeti i madh i kokainës Brazil-Spanjë, sekuestrohen mbi dy tonë mallë i fshehur në qymyr

Mbi dy ton kokainë janë sekuestruar në Spanjë dhe u arrestuan 12 persona të dyshuar të përfshirë në një rrjet të trafikimit të drogës nga Paraguai dhe Brazili.

Sipas CNN, autoritetet hetuan rrjetin dhe anëtarët ishin përpjekur të mbulonin gjurmët e tyre duke ngritur biznese të ligjshme për më shumë se një vit, bazuar në deklaratën e policisë kombëtare të Spanjës.

Hetimi arriti kulmin në arrestimet dhe kapjen e 2.28 tonëve të fshehura në një ngarkesë prej 44 tonësh qymyr në portin e Algeciras në Spanjën Jugore.

Në fillim të vitit 2020, policia identifikoi anëtarët e organizatës me seli në provincat e Murcias dhe Seviljes, të cilët po ndërtonin një biznes me sa duket të ligjshëm duke importuar dhjetëra kontejnerë me qymyr nga Amerika e Jugut në portin e Barcelonës.

Megjithatë, ndërlikimet për shkak të çështjeve të magazinimit dhe pandemisë së koronavirusit, bënë që grupi të zhvendosë operacionet e tyre në portin e Algeciras në Spanjën jugore në mes të muajit prill.

Policia ‘bashkoi’ strukturën e rrjetit, që përfshinte dy familje me anëtarë kryesorë në Brazil dhe Paraguai, që koordinonin dërgesat e kokainës, derisa të tjerët në Sevilje krijuan biznese që duket se ishin për importin e qymyrit, orizit ose edhe produkte mjekësore.