Francë/9 raste të reja me tromobozë pas vaksinës AstraZeneca

Nëntë raste të tjera të trombozës atipike dhe dy çregllime të mpiksjes së gjakut ndodhën në Francë mes datave 2 dhe 8 Prill, pas kryerjes së vaksinave AstraZeneca.
Profili i të prekurve është i ndryshëm nga ai i verifikuar deri më tani, (5 burra dhe 4 gra) me një moshë mesatare jo më të re se në rastet e mëparshme (62 vjet mesatarisht).

Që nga fillimi i vaksinimit me vaksinën anglo-suedeze, 23 raste të trombozës së rrallë dhe anomalive të mpiksjes së gjakut janë regjistruar në Francë, me 8 vdekje, nga një total prej 2,725,000 injeksionesh të aplikuara deri më 8 Prill.

Tani marrin vëmendje 9 rastet që kanë “një profil tjetër” nga ato të mëparshmet, bën me dije Agjencia Kombëtare e Shëndetësisë duke shtuar se këto raste të reja do të diskutohen me EMA”, sikurse bëjnë me dije autoritetet franceze.

E njëjta agjenci bën me dije se janë shfaqur edhe një dy shenja të tjera që do t’i nënshtrohen një vëzhgimi të veçantë. Këto janë 5 raste të reja të paralizës së fytyrës dhe një çrregullim neurologjik, megjithatë pacientët janë drejt shërimit.