Francë, digjet kampi i refugjatëve, 10 të lënduar

Një kamp në veri të Francës, i cili strehonte 1500 refugjatë është shkatërruar totalisht nga zjarri. Sipas autoritete zjarri u shkaktua pas përleshjes mes afganëve dhe kurdëve.

Si pasojë 10 persona raportohet se janë lënduar, kur zjarri përfshiu çadrat në kampin Grande-Synthe, në afërsi të portit Dunkirk.

Muajin e kaluar zyrtarët deklaruan se kampi do të çmontohej për shkak të trazirave. Bregdeti verior i Francës ka qenë si një magnet për refugjatët, të cilët janë përpjekur që më tej të kalojnë drejt Britanisë.

“Nuk ka mbetur gjë tjetër përveç hirit”, ka deklaruar Michel Lalande, prefekt i rajonit verior të Francës.