Gazi rus, BE-ja synon që t’i japë fund varësisë

Në pikun e tensioneve Rusi-Ukrainë, presidentja e Komisionit Evropian, Ursula von der Leyen thotë se synon t’i japë fund vartësisë së bllokut nga gazi rus, kjo me shpresën se lëvizja drejt energjive alternative do ta bëjë atë më të pavarur.

“Sikurse e kemi parë, Rusia e ka kthyer në instrument energjinë gjatë muajit të fundit, për të mos thënë viteve, për të ushtruar presion jo vetëm ndaj Ukrainës, por dhe BE-së. Ndaj jemi të vendosur të shkëputemi nga kjo vartësi”, tha Von der Leyen.

Kancelari gjerman Olaf Scholz anuloi certifikimin e gazsjellësit ruso-gjerman “Rrjedha e Veriut 2”, i projektuar për të dyfishuar fluksin e gazit rus, kjo për shkak të njohjes së pavarësisë së rajoneve separatiste ukrainase nga Moska.