Gjendet brenda në autobus 3 vjeçari i pajetë në Australi

Një djalë tre-vjeçar është gjetur i vdekur në një autobus të parkuar para një shkolle filloreje.

Ngjarja e trishtë u zbulua nga autoritete jashtë shkollës shtetërore të Hambledon në Queensland të Australisë rreth orës 03:00 të së martës. Detektivët po hetojnë rrethanat rreth vdekjes së fëmijës, shkruan Daily Mail.

‘’Është një ngjarje shumë e dhimbshme dhe e trishtueshme po është herët për të folur se çfarë ka ndodhur. Ne do të fillojmë hetimet për të zbardhur këtë ngjarje. Vdekja e çdo fëmije është një gjë e tmerrshme dhe kjo është arsyeja pse është kaq e rëndësishme për ne që të arrijmë në fund të kësaj,’’ tha detektivi Jason Smith.

Djali besohet se kishte hipur në autobus në mëngjes dhe supozohej se do të shkonte në kopësht por fatkeqësisht nuk ndodhi kështu.  Trupi i tij është gjetur nga shoferi i autobusit në orën 03:15 të mëngjesit.