Gjermani – Ekstremistët e djathtë: Do të luftojmë “pushtimin” e të huajve në vend

Partia e ekstremit të djathtë në Gjermani AfD është zotuar se do të luftojë “një pushtim të të huajve” në vend.

“Ne duam një politikë tjetër,” tha bashkë-lideri Alexander Gauland pas arritjes historike në zgjedhjet në Gjermani.

Kancelarja Angela Merkel është rizgjedhur për një mandat të katërt, por koalicioni i saj konservator CDU / CSU ka marrë rezultatin më të keq në gati 70 vjet.

Merkel po fillon negociatat për të formuar një qeveri të re koalicioni.

Partnerët e koalicionit aktual të bllokut, Social Demokratët (SPD), thanë se ata do të shkojnë në opozitë pas humbjes historike.

Fushata e AfD-së ka dhënë një reagim të ashpër ndaj vendimit të znj. Merkel për të hapur kufijtë e Gjermanisë ndaj migrantëve dhe refugjatëve në vitin 2015.