Gjermania minimizon frikën e sulmit rus në territorin e NATO-s

Rusia dhe Bjellorusia zhvilluan stërvitje të përbashkëta ushtarake në vitin 2022, dhe ato u përdorën për të maskuar grumbullimin e forcave ruse për pushtimin në shkallë të plotë të Ukrainës.

Këtë herë një raund i ri stërvitjesh ushtarake që përfshijnë të dy vendet pritet të fillojë këtë muaj, “Zapad-2025”, duke shkaktuar shqetësime se Moska mund të zgjedhë përsëri të nisë një sulm ndaj një vendi evropian. Shefi i mbrojtjes gjermane, Carsten Breuer, tha se vendi i tij nuk pret sulme ruse në territorin e NATO-s nën mbulesën e stërvitjeve ushtarake, të cilat pritet të fillojnë pas dy javësh.

“Nuk kemi asnjë tregues se përgatitjet për një sulm po bëhen nën mbulesën e stërvitjes”, u tha ai gazetarëve në Berlin. Sa i përket numrit të ushtarëve për stërvitjet Zapad, gjermanët presin që 13,000 trupa të marrin pjesë në stërvitjen në Bjellorusi, me 30,000 të tjerë të përfshirë në Rusi.