Gra ”në gjak” e duar të lidhura, protestë kundër abuzimeve nga rusët në Ukrainë

Bota po tregon me çdo formë që dënon luftën ruse në Ukrainë. Sot para ambasadës ruse në Tallin të Estonisë, u zhvillua një protestë kundër abuzimit të grave dhe fëmijëve në Ukrainë nga forcat ruse.

Një grup vajzash rrethuan godinën e ambasadës, gjysmë të zhveshura me duar të lidhura, kokën të mbuluar me qese të zeza ndërsa trupin e kishin lyer me bojë të kuqe, në shenjë proteste për dhunën e ushtruar nga forcat ruse.

“Ushtarët rusë po marrin peng dhe po vrasin gra e fëmijë të pafajshëm në Ukrainë. Njerëzit që mbështesin këtë luftë, mbështesin gjithashtu edhe krimet e luftës. Ky është mesazhi ynë për mbështetësit e regjimit të Putin në Rusi, Estoni dhe kudo”.