Greqi: 33 raste të reja infeksioni me Covid-19 dhe 5 të vdekur në 24 orë

Greqia regjistroi 33 raste të reja infeksioni me COVID 19 dhe 5 vdekje përgjatë 24 orëve të fundit.

Numri i përgjithshëm i të infektuarve është 2114, nga të cilat 56.9% janë burra.

Nga këto, 542 (25.6%) konsiderohen të lidhura me udhëtimet jashtë dhe 819 (38.7%)  janë kontakte të personave të infektuar.

76 pacientë janë në intubim dhe mosha mesatare e tyre është 68 vjeç.

15 (19.7%) janë gra dhe pjesa tjetër janë burra.

80.3%  e tyre kanë një sëmundje themelore ose janë mbi 70 vjeç.

15 pacientë janë larguar nga spitali.

Ndërkohë raportohen 5 vdekje në 24 orët e fundit, duke e çuar në 98 numrin e të vdekurve që prej fillimit të epidemisë.

26 ishin gra (26.5%) dhe pjesa tjetër ishin burra.

Mosha mesatare e viktimave është 72 vjeç dhe 88.8% e tyre kishin një sëmundje themelore ose ishin mbi moshën 70 vjeç.

Janë testuar gjithsej 42.261 monstra klinike.