Greqi, anketa: Një në dy punonjës është ngacmuar seksualisht

Më shumë se gjysma e punonjësve të anketuar kanë përjetuar ngacmime seksuale gjatë punës së tyre, megjithatë pothuajse 40% e tyre nuk i dinë procedurat që viktima duhet të ndjekë për të mbrojtur veten.

Ky është raporti i një studim të kryer në Greqi nga Qendra për Veprim Social dhe Inovacion – KMOP.

Sondazhi, i kryer midis qershorit dhe shtatorit 2020 përfshiu intervista me përfaqësues të sindikatave, shoqata të punëdhënësve, OJQ si dhe një sondazh në internet të punonjësve dhe punëdhënësve, në lidhje me fenomenin e ngacmimit seksual në vendin e punës në Greqi.

Më shumë se gjysma e punonjësve që morën pjesë në sondazh (52.38%) pranuan se ishin ngacmuar seksualisht gjatë jetës së tyre profesionale.

Gjithashtu, 42.86% e punonjësve të anketuar deklaruan se kanë qenë dëshmitarë të një forme të ngacmimit seksual ndaj kolegëve në vendin e punës.

Shumica dërrmuese e kampionit (91.27%) zbuluan se gratë janë më të ekspozuara ndaj ngacmimeve seksuale.

Në të njëjtën kohë, 39.68% e të pyeturve deklaruan se nuk i dinë procedurat që duhet të kalojë një viktimë për të kërkuar mbrojtje në kompaninë për të cilën punon.

Nga ana e tyre, shumica dërrmuese e punëdhënësve të anketuar (77.78%) pranojnë se problemi i ngacmimit seksual është shumë serioz, megjithëse 33.33% deklarojnë se nuk ka pasur kurrë ndonjë rast të ngacmimit seksual në kompani.

Kjo nënkupton se fenomeni nuk raportohet dhe është shqetësim serioz për shoqërinë.