Greqi, shembet hangari në portin e Patras, vdes një person

Një person ka gjetur vdekjen pasditen e të premtes në Greqi, pas shembjes së një hangarinë qytetin e Patras.

Ngjarja ka ndodhur në mjediset e portit të vjetër të qytetit.

Për arsye që ende nuk dihen, streha e hangarit u shemb e tëra dhe duket se pjesë të saj i kanë marrë jetën një personi, identiteti i të cilit nuk është bërë i ditur.

Sipas autoriteteve, një njësi e ekipit të shpëtimit dhe zjarrfikës po kontrollojnë se mos ka njerëz të tjerë që mund të jenë bllokuar nën rrënojat.