Greqi ulet ndjeshëm numri i infektimeve, 101 viktima nga Covid 19 në 24 orë
Bota E Diel, 6 Dhjetor 2020 19:09
Në 24 orët e fundit në Greqi janë regjistruar 904 raste të reja me koronavirus, ndërsa 101 pacientë kanë humbur jetën.
Sakaq 600 pacientë po trajtohen me intubim, ndërsa 75.3% e pacientëve të intubuar kanë një sëmundje bashkëshoqëruese ose janë të moshës 70 vjeç e lart.
Numri i përgjithshëm i të infektuarve arrin 115471, nga të cilët 52.8% janë burra.
Sipas të dhënave të publikuara nga autoritetet e Shëndetit në vend, rezulton se 4986 (4.3%) e rasteve kanë të bëjnë me udhëtime nga jashtë dhe 30594 (26.5%) kanë të bëjnë me një rast tashmë të njohur.
