Greqia regjistron 1,997 të infektuar dhe 12 viktima në 24 orë

Në 24 orët e fundit në Greqi janë regjistruar 1,997 raste të reja me koronavirus . Ndërsa, brenda ditës, si pasojë e sëmundjes e humbën jetën edhe 12 qytetarë të tjerë.

Me rastet e sotme, numri i përgjithshëm i të infektuarve në vend që nga fillimi i pandemisë shkon në 435,018 (ndryshim ditor + 0,5%), nga të cilët 51,2% janë burra. Bazuar në rastet e konfirmuara të 7 ditëve të fundit, 148 raportohet të jenë persona që kanë udhëtuar jashtë kurse 1,889 të tjerë kanë qenë raste kontakti.

Sa i përket rasteve fatale, numri total i viktimave në vend, bashkë me 12 rastet e fundit, shkon në 12,785 vdekje. Prej tyre, 95.2% kishin sëmundje shoqëruese ose/dhe ishin mbi 70 vjeç.

Numri i pacientëve që ndodhen në intubim është 141 (67.4% burra). Mosha e tyre mesatare është 66 vjeç. 88.7% kanë sëmundje  shoqëruese dhe / ose moshë 70 vjeç e lart. Që nga fillimi i pandemisë, 2,728 pacientë janë nxjerrë nga njësitë e kujdesit intensiv.