“Grusht shteti” në Bolivi – Pas protestave masive Presidenti Morales jep dorëheqjen (VIDEO)

Presidenti Bolivian Evo Morales deklaroi të Dielën se po jepte dorëheqjen për të lehtësuar kështu dhunën që ka kapluar Amerikën e Jugut që nga zgjedhjet e fundit problematike, por nga ana tjetër ai nxiti frikën e më shumë trazirave duke thënë se ishte viktimë e një “grushti shteti” dhe rrezikonte të arrestohej.

Morales, në pushtet për gati 14 vjet, tha në komentet televizive se do të paraqiste letrën e tij të dorëheqjes për të ndihmuar në rivendosjen e stabilitetit, megjithëse ka bindjen e një “grushti civil” dhe druhej se policia planifikonte ta arrestonte.

“Unë po jap dorëheqjen, duke dërguar letrën time të dorëheqjes në Asamblenë Legjislative,” tha Morales, duke shtuar se ishte “detyrimi i tij si president indigjen dhe president i të gjithë Bolivianëve për të kërkuar paqen.”

Sidoqoftë, duke nënvizuar tensionet e vazhdueshme, Morales tha më vonë në Twitter se policia kishte një urdhër “të paligjshëm” për arrestimin e tij dhe se “grupet e dhunshme” kishin sulmuar shtëpinë e tij.

Komandanti i forcës policore të Bolivisë tha në një intervistë televizive se nuk kishte asnjë urdhër për arrestimin e Morales.

Largimi i Morales, një ikonë e majtë dhe i mbijetuari i fundit i “valës rozë” (pink tide) i Amerikës Latine të dy dekadave më parë, ka të ngjarë të dërgojë valë shoku në të gjithë rajonin në një kohë kur liderët e majtë janë kthyer në pushtet në Meksikë dhe Argjentinë. Nënkryetari Álvaro García Linera gjithashtu dha dorëheqjen.

Disa nga aleatët e majtë të Morales në Amerikën Latine hodhën poshtë kthesën e ngjarjeve duke i cituar ato si një “grusht shteti”, përfshirë presidentin e Venezuelës Nicolas Maduro dhe Presidentin e zgjedhur Argjentinas Alberto Fernandez.

Ministri i Jashtëm i Meksikës Marcelo Ebrard tha se vendi i tij do t’i ofronte Morales azil nëse ai e kërkonte atë.

Video (REUTERS)