Habit punonjësi ajror. Fsheh 9 kg kokainë tek këmbët gjatë fluturimit

Sipas një deklarate nga dogana e SHBA dhe Mbrojtjes Kufitare, një anëtar i ekuipazhit Fly Jamaica Airways është arrestuar në përpjekje për të trafikuar kokainë në Shtetet e Bashkuara.

Droga u zbulua pasi personi u shoqërua në një dhomë kontrolli në Aeroportin Ndërkombëtar të JFK-së në Nju Jork më 17 mars. Fluturimi i tij ishte nisur nga Montego Bay, Xhamajka.

Fotoja nga Dogana e SHBA dhe Mbrojtja e Kufirit tregon qartë nëntë kilogramët e drogës, të vendosur në këmbët e të dyshuarit.

Agjentët federalë thanë se gjetën katër paketa të ngjitura në këmbët e tij.  Kokaina u konfiskua dhe raportohet të kapi vlerën 160,000 dollarë.

Fotografitë e publikuara nga policia tregojnë të dyshuarin, me uniformën e tij ajrore, me pantallona të tërhequra poshtë dhe shirit të bardhë rreth kofshëve dhe kyçit të këmbës.

I dyshuari është akuzuar për kontrabandën federale të narkotikëve dhe do të ndiqet penalisht nga Zyra e Prokurorit të Shteteve të Bashkuara.

Përktheu: Fatmira Hetemi