I vuri gjurin në qafë dhe i mori jetën afro-amerikanit, gruaja i kërkon divorcin policit

Gruaja e oficerit, Derek Chauvin që është akuzuar për vrasjen e George Floyd, i ka kërkuar atij divorcin, sipas avokatit të saj.

Ajo kërkoi divorcin nga Derek Chauvin, ditën që ai u pushua nga puna pas akuzave për vdekjen e Floyd, të hënën.

“Këtë mbrëmje, unë fola me Kellie Chauvin dhe familjen e saj. Ajo është shkatërruar nga vdekja e zotit Floyd dhe shpreh ngushëllimet më të mëdha ndaj famijarëve të tij. Ajo ka vendosur të ndahet nga Derek Chauvin.

Zonja Chauvin nuk ka fëmijë nga martesa me Derek Chauvin. Ajo me respekt dhe mirëkuptim kërkon që prindërve të saj të moshuar t’u jepet siguri gjatë kësaj kohe të vështirë”, është shprehur avokati i saj.

Derek Chauvin është arrestuar nën akuzën e vrasjes. Prokurori i qytezës së Hennepin deklaroi se Chauvin akuzohet për vrasje të gradës së tretë ndërkohë që po hetohen dhe 3 policët e tjerë që ishin prezent në arrestimin e George Floyd.