Inteligjenca e Koresë së Jugut zbulon arsyen e “zhdukjes” së Kim Jong Un

Shërbimi i inteligjencës së Koresë së Jugut njoftoi sot se nuk ka shenja që lideri i Koresë së Veriut Kim John Un kishte një operacion në zemër.

Kim nuk është parë në publik për tre javë, duke shkaktuar spekulime për shëndetin e tij dhe vendndodhjen para se të paraqitej të shtunën.

Kreu i agjencisë së inteligjencës së Koresë së Jugut, Suh Hoon, foli në një komitet parlamentar të mërkurën ku tha se nuk kishte shenja që thashethemet për shëndetin e Kim Jong-un ishin të vërteta, njofton agjencia e lajmeve Yonhap e Koresë së Jugut.

Komiteti dëgjoi se udhëheqësi i Koresë së Veriut ishte shfaqur në publik 17 herë këtë vit. Ndërsa këtë kohë të vitit, ai normalisht do të ishte shfaqur 50 herë.

Sipas zyrtarëve në Korenë e Jugut kjo mund të lidhet me një shpërthim të mundshëm  të Covid-19, megjithëse Korea e Veriut nuk ka zyrtarisht raste.

“Nuk mund të përjashtohet që ka një shpërthim në Korenë e Veriut,” tha ligjvënësi Kim Byung-kee.

“Kim Jong-un ishte përqendruar në konsolidimin e punëve të brendshme të tilla si forcat ushtarake dhe takimet parti-shtet dhe shqetësimet e koronavirusit kanë kufizuar më tej veprimtarinë e tij publike”. tha ai.