Investimet në Starlink/ Elon Musk planifikon deri në 30 miliardë dollarë

Miliarderi i SpaceX, Elon Musk e vlerësoi sot 20 deri në 30 miliardë dollarë (rreth 17-25 miliardë euro) shumën që do t’i duhet për të investuar në projektin e tij afatgjatë të internetit satelitor Starlink.

“Para se të mund të kemi me sukses një thesar, me siguri do të duhen të investohen edhe të paktën pesë miliardë dollarë, ndoshta dhjetë”, shpjegoi Musk gjatë një ndërhyrjeje në distancë në Panairin Botëror të Lëvizjes në Barcelonë (MËC).

“Edhe kur thesari të boshatiset, ne do të vazhdojmë të investojmë, në mënyrë që të mos mbetemi prapa risive në sektorin satelitor”, shtoi ai.

“Në fund të fundit, investimet mund të arrijnë në 20 deri 30 miliardë dollarë”, vlerësoi Musk, ndërsa rivali i tij i madh, themeluesi i Amazon, Jeff Bezos planifikon të investojë 10 miliardë dollarë në projektin e tij konkurrues satelitor të quajtur Kuiper.

Kompania e eksplorimit hapësinor të Musk, SpaceX, është në procesin e prezantimit të shërbimit të saj të internetit satelitor, që do të lejojë lidhje me shpejtësi të lartë në zonat e largëta pa kaluar nëpër infrastrukturat tokësore.