Italia ndryshon masat, ministri: 50 milionë vaksinime deri në qershor

Covid-19 në Itali është me një bilanc në rritje të rasteve, që sot janë 23696 nga 21267 të ditës së djeshme. Numri i viktimave është i njëjti i ditës së mëparshme, 460, por rritet sërish niveli i pozitivitetit me 6.8%. Shqetësues numri i personave që u shtruan në terapi intensive, 250 vetëm në 24 orë. Lombardia sheh një rritje të dukshme të rasteve, me më shumë se 5 mijë raste, ndërkohë që e ndjekin Emilja Romanja, Piemonte dhe Lacio.

Ndërkohë, të hënën pritet që vendi të ndryshojë edhe një herë masat shtrënguese, në bazë të shifrave të javëve të fundit. Lacio mund t’i rikthehet disa masave më të lehta, dhe të rihapen shkollat fillore dhe kopshtet, ndërkohë që rajone si Lombardia dhe Emilia Romanja, Pulia dhe Friuli mbeten zona “të kuqe” të paktën deri më 12 prill.

Sipas Ministrisë së Shëndetësisë, vendi do të fillojë tashmë fushatën masive të vaksinimit, sipas ministrit Speranza, priten 4.5 milionë vaksina deri në fund të marsit, dhe më shumë se 50 milionë të tilla në tremujorin e dytë të vitit.