Izolim kombëtar në Greqi, mbyllen qendrat tregtare, mësimi i gjimnazeve në distancë

Për herë të dytë brenda këtij viti Greqi hyn do të izolohet plotësisht. Duke njoftuar masat drastike, kryeministri Kyriakos Mitsotakis tha se qendrat tregtare do të mbyllen dhe do të kufizohet udhëtimi midis rajoneve. Shkollat e mesme do të mbyllen dhe mësimi do të zhvillohet në distancë.

Greqia do të izolohet për herë të dytë duke nisur nga e shtuna për tre javë, njoftoi kryeminsitri Kyriakos Mitsotakis. Ai nënvizoi nevojën për të frenuar valën e dytë të pandemisë që ka goditur vendin.

“Ky është një vendim i vështirë, por masat duhet të merren për tre javë për të mundur valën e dytë të koronavirusit. Qytetarët nuk mund të dalin tashmë nga shtëpitë e tyre pa marrë autorizim nëpërmjet sms-ve në telefonat celularë”, shtoi ai.

Nga shtëpia mund të dilet vetëm për të shkruar në punë, për të bërë pazarin, për të shkruar tek mjeku apo për fizkulturë.

Të gjitha qendra tregtare do të mbyllen dhe do të kufizohet udhëtimi midis rajoneve. Shkollat e mesme do të mbyllen dhe mësimi do të zhvillohet në distancë.

Kryeministri e argumentoi izolimin e dytë me shtimin e rasteve ditët e fundit dhe tha se do të ishe më mirë të veprojë tani në vend që të pritej.

“Nëse qeveria pret dhe masat e tanishme nuk funksionojnë atëherë presioni ndaj spitaleve do të ishte i “papërballueshëm,” tha Mitsotakis.

Kryeministri tha gjithashtu se qeveria do të mbështesë financiarisht qytetarët që do të preken nga izolimi i dytë, ndërsa shtoi se hollësitë e planit do të prezantohen nga ministri i Financave Christos Staikouras.

Që prej javës së kaluar Greqia është njohur me një valë të madhe infektimesh. “Virusi është këtu dhe lufta ndaj tij duhet të vazhdojë,” tha gjatë konferencës profesori i sëmundjeve infektive Sotiris Tsiodras.