Izraeli lehtëson masat anti-Covid, por jo për turistët

Izraeli ka lehtësuar pothuajse të gjitha masat anti-Covid, por për turistët që do të duan të vizitojnë vendin kufizimet e rrepta do të jenë ende në fuqi, sipas një njoftimi nga Ministria e Shëndetësisë.

Izraeli, i cili është treguar i suksesshëm në fushatën e vaksinimit i ka mbajtur kufijtë e mbyllur për personat jashtë vendit. Çdo person që udhëton në Izrael duhet të karantinohet për 14 ditë, dhe më pas të bëjë një test antitrupash për të treguar nëse është i vaksinuar ose ka imunitet ndaj  Covid-19. Sidoqoftë, pjesa tjetër e kufizimeve në jetën e përditshme janë hequr pothuajse plotësisht.

Duke filluar nga sot, qytetarët nuk do të kenë nevojë të tregojnë një “ certifikatë vaksinimi” kur të shkojnë në një restorant ose hotel gjithashtu nuk do të ketë kufizime në numrin e personave që do të lejohen brenda shtëpisë.

Ministrja e Shëndetësisë Julie Edelstein tha se përdorimi i maskës, i cili është ende i detyrueshëm në ambientet e brendshme dhe në transportin publik, mund të hiqet  “brenda dy javësh”, raporton abcnews.al

Fëmijët që nuk janë vaksinuar ende do të duhet të mbajnë maskat në shkollë. Izraeli nisi fushatën e vaksinimit në fund të dhjetorit pas një marrëveshjeje me Pfizer, e cila i siguroi shtetit hebre miliona doza.

Më shumë se pesë milion izraelitë, nga një total prej 9.3 milion (55% e popullsisë), kanë marrë të dyja dozat e vaksinës Covid-19. Për shkak të uljes në numrin e të infektuarve, qeveria lejoi rihapjen e restoranteve, bareve dhe ambienteve sportive, fillimisht vetëm qytetarët që kishin një “certifikatë vaksinimi”./abcnews.al