Izraeli nuk ka plan që të tërhiqet, pasi i do palestinezët jashtë nga Gaza

Trupat izraelite nuk kanë plan që të tërhiqen, por do avancojnë kudo ku gjendet Hamasi. Pasi detyruan qindra mijëra palestinezë të largoheshin nga veriu për në jugun e Rripit të Gazës, tashmë izraelitët po kërkojnë largimin e plotë të palestinezëve nga territori autonom.

“Po u kërkojmë njerëzve që të zhvendosen”, u shpreh një këshilltar i kryeministrit Benjamin Netanjahu. Izraeli ka urdhëruar dhe evakuimin e spitalit Al Shifa në veri të Gazës, brenda një ore.

Rreth 5 mijë njerëz, duke përfshirë persona të zhvendosur dhe pacientë, janë larguar nga kompleksi spitalor në qytetin e Gazës. Rreth 450 pacientë kanë mbetur në gjendje kritike në spital.