Izraeli teston dozën e katërt të vaksinës anti-covid

Izraeli filloi provat klinike për dozën e katërt të vaksinës kundër Covid-19, që besohet të jetë studimi i parë i këtij lloji. Zyrtarët izraelitë po shqyrtojnë mundësinë e vënies në dispozicion të një tjetër përforcuese për popullatën e vendit, i cili po përballet me një rritje të infeksioneve me variantin ”Omicron”.

Provat filluan në Qendrën Mjekësore Sheba, pranë Tel Avivit, mes 150 anëtarëve të personelit mjekësor që kanë marrë dozën e tretë përforcuese në gusht.

“Shpresoj që doza e katërt përforcuese të ofrojë mbrojtje nga Omicroni, që është shumë e nevojshme, duke patur parasysh valën e pestë të koronavirusit qëjemi duke përjetuar tani”, tha profesor Jacob Lavee pas marrjes së dozës së katërt.